AP Farmers Payment Status: ఆంధ్రప్రదేశ్లో రైతులకు ఈ ఏడాది నిజంగానే పండగ వాతావరణం నెలకొంది. కొత్త ప్రభుత్వం అధికారంలోకి వచ్చిన నాటి నుంచి ధాన్యం కొనుగోలు వ్యవస్థలో ఉన్న అడ్డంకులన్నీ తొలగిపోయాయి. ముఖ్యంగా పౌర సరఫరాల శాఖ మంత్రి నాదెండ్ల మనోహర్ ఆధ్వర్యంలో వ్యవస్థ మొత్తం కొత్త ఊపిరి పీల్చుకుంది.
ఇప్పటివరకు రాష్ట్రవ్యాప్తంగా 8.22 లక్షల టన్నుల ధాన్యాన్ని ప్రభుత్వ కేంద్రాల్లో సేకరించారు. ఆ ధాన్యం ధరగా రైతుల ఖాతాల్లో రూ.1,713 కోట్లు వేగంగా జమ అయ్యాయి. గతంలో రోజుల తరబడి ఎదురుచూడాల్సి వచ్చేది కాదు, ఇప్పుడు కేవలం 4 నుంచి 6 గంటల్లోనే డబ్బు వచ్చేస్తోంది.
రైతులు ఒక్కరు కూడా దళారుల చేతిలో చిక్కుకోకూడదని మంత్రి స్పష్టంగా చెబుతున్నారు. ప్రభుత్వం ఇస్తున్న మద్దతు ధర పూర్తిగా రైతుకే చేరాలి. దళారులు తక్కువ ధర ఇచ్చి మోసం చేసే అవకాశం ఎక్కువగా ఉంది కాబట్టి ప్రభుత్వ కేంద్రాల్లోనే అమ్మమని సూచిస్తున్నారు.
For more updates join in our whatsapp channel
డబ్బు జమ కాలేదా? ఇలా చేయండి
ధాన్యం అమ్మిన 48 గంటల తర్వాత కూడా డబ్బు రాకపోతే భయపడాల్సిన పని లేదు. ప్రభుత్వం ప్రత్యేక వ్యవస్థ ఏర్పాటు చేసింది.
ఆన్లైన్లో స్టేటస్ చూడటం ఎలా?
paddyprocurement.ap.gov.in వెబ్సైట్లోకి వెళ్లి FTO Search ఆప్షన్ సెలెక్ట్ చేసి ఆధార్ నంబర్ లేదా ట్రక్ షీట్ నంబర్ ఎంటర్ చేయండి. వెంటనే స్టేటస్ కనిపిస్తుంది.
సమీపంలోని రైతు భరోసా కేంద్రం (RBK)కి వెళ్తే ఆన్లైన్ ఫిర్యాదు నమోదు చేసి సమస్యను తక్షణమే పరిష్కరిస్తారు. హెల్ప్లైన్ నంబర్: 73373 59375
వర్షాలు రాకముందే ధాన్యం సురక్షితం చేయండి
దిత్వా తుఫాను ప్రభావంతో నవంబర్ 29 నుంచి రాష్ట్రంలో భారీ వర్షాలు పడుతున్నాయి కాబట్టి – పొలాల్లో, రోడ్ల పక్కన ఆరబెట్టిన ధాన్యం తడవకుండా వీలైనంత తొందరగా గోదాములకు తరలించండి.
ఈ సారి ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ ఆదేశాల మేరకు అదనంగా ఒక లక్ష గోనె సంచులను ఉచితంగా రైతులకు పంపిణీ చేస్తున్నారు.
మద్దతు ధర వివరాలు
- ప్రతి క్వింటాల్కు → ₹2,393
- 75 కేజీల బస్తాకు → ₹1,792
దళారులు ఈ ధర ఇవ్వడం అరుదు కాబట్టి ప్రభుత్వ కేంద్రాలే రైతుకు లాభదాయకం. ఈ విషయంపై మీ అభిప్రాయం కామెంట్స్ ద్వారా పంచుకోండి.